ލިޔުންތެރިންގެ ގުޅުމުގެ ރަސްމީ ވެބްސައިޓް
'' ރޭ ފަތިހޭތޯއެވެ! '' Print E-mail
ކިޔުންތެރިން ދެކޭގޮތް: / 1
ދެރަވަރަށް ރަނގަޅު 
ބަހާއި އަދަބު - އަދަބިއްޔާތު
ހޮނިހިރު, 25 އޭޕްރިލް 2015 00:24

އަޙްމަދް ސަމީރު ޢަލީ
މަތީގައި އެވާ ސުރުޚީ އަށް އަލިއަޅުވައިލާނަމޭ ހިތައި، އަޅުގަނޑު ޚިޔާލު ކުރާތާ ލައްކަ ދުވަސް ވެއްޖެއެވެ. އިއްޔެ (ހުކުރު ދުވަހު) ފަތިހު ކެންދޫގައި ހިނގި ވަރަށް ހިތާމަވެރި ހާދިސާއެއްގެ ޚަބަރު ކިޔައިލި އިރު ' ރޭ ފަތިހު ލޯންޗަކާއި ދެ ދޯންޏެއް އަންދައިލި' ޚަބަރުގައި ލިޔެފައިވެއެވެ.  ހަގީގަތުގައި މި ކުރު މަޒްމޫނުގައި  އެ ލިޔުންތެރިޔާ އަށް އަޅުގަނޑު ރައްދެއް ދޭކަށް ގަސްދެއް ނުކުރަމެވެ.  އަޅުގަނޑަށް ވިސްނޭ ގޮތުގައި މިއީ މިހާރު ވަރަށް އާންމު ކުށް ބަހެކެވެ.
 
ތަޢުޒިޔާ Print E-mail
ކިޔުންތެރިން ދެކޭގޮތް: / 1
ދެރަވަރަށް ރަނގަޅު 
ޚަބަރާއި މަޢުލޫމާތު - ޚަބަރު
ހުކުރު, 24 އޭޕްރިލް 2015 11:06

އަޙްމަދު ޝަފީޤު އަވަހާރަވެއްޖެ

އިދާރާ
މަޝްހޫރު ތާރީޚީ ލިޔުންތެރިއެއްކަމަށްވާ، ނިޝާން މުލީގޭ ޝަރަފުގެ ޢިއްޒަތުގެ ވެރިޔާ، ހެންވޭރު ޝަފީޤުގޭ އަލްފާޟިލް އަޙްމަދު ޝަފީޤު، އަވަހާރަ ވެއްޖެއެވެ. އަލްފާޟިލް އަޙްމަދު ޝަފީޤަކީ، 45 އަހަރަށްވުރެ ގިނަ ދުވަހު ދައުލަތަށް ޚިދުމަތް ކުރައްވާފައިވާ، އަދި ތާރީޚާއި ސަޤާފަތާ ތިމާވެއްޓާ ގުޅޭ ތަފާތު ލިޔުންތަކާއި ފޮތްތައް ލިޔުއްވާފައިވާ ބޭފުޅެކެވެ. 
 
ބަރުދާސްތު (4) Print E-mail
ކިޔުންތެރިން ދެކޭގޮތް: / 1
ދެރަވަރަށް ރަނގަޅު 
ބަހާއި އަދަބު - ވާހަކަ
ބުރާސްފަތި, 23 އޭޕްރިލް 2015 00:31
 
ފަތުޙުﷲ ޞާލިޙު، ޏ. ފުވައްމުލައް
(21 އޭޕްރިލްގެ ޢަދަދާއި ގުޅޭ)
"އަޅުގަނޑުމެން މިއައީ ޒާރާ ނަޞީރު މިގޭގައި އުޅޭކަމުގެ މަޢުލޫމާތު ލިބިގެން .  .  .  .  . އޭނާގެ ފިރިމީހާ މަރާލުމުގެ ކުށުގައި ހައްޔަރުކުރަން" ބޭރުގައި ތިބީ ފުލުހުންގެ ދެ އޮފިސަރުންނެވެ. އަންހެން އޮފިސަރަކާއި ފިރިހެން އޮފިސަރެކެވެ. ޝާނިލްއަށް ލިބުނީ ޝޮކެކެވެ. ބުނާނެ އެއްޗެއް ނޭނގުނެވެ. ޒާރާއަށް ރޮވެން ފެށިއެވެ. ގިސްލަގިސްލާފައި ރޯންފެށިއެވެ. އިތުރު ބަހެއް ނުބުނެ އަންހެން އޮފިސަރު އެތެރެއަށް ވަނެވެ. ޒާރާގެ އަތުގައި ބިޑިއެޅުވިއެވެ. ޝާނިލްއަކަށް އެއްވެސް އެހީއެއް ނުވެވުނެވެ. ހުންނަން ޖެހުނީ ގޮތް ހުސްވެ މާޔޫސް ވެފައެވެ. މިވީ ކިހިނެއްބާއެވެ! ތަޤްދީރުގައި އެދެމީހުންގެ ނަން އެކުގައި ލިޔެވެން ނެތީބާވައެވެ! ޝާނިލް ކުޑަދޮރުން ބަލަންހުއްޓައި ޒާރާ ގެންގޮސް ވެހިކަލަށް އަރުވައިގެން ގެންދިޔައީއެވެ. އަބަދުގެ އަބަދަށް ދެމީހުން ވަކިވީއެވެ. އެތައް ދުވަހަކަށްފަހު އާވެވުނު އުއްމީދުތައް ވިއްސި ވިހާލިވީއެވެ.
 
މަލަށް މާބުރުގެ ގޯނާ ފޯރަނީ...... Print E-mail
ކިޔުންތެރިން ދެކޭގޮތް: / 3
ދެރަވަރަށް ރަނގަޅު 
ބަހާއި އަދަބު - ވަޒަންބަހުރުވަ
ބުދަ, 22 އޭޕްރިލް 2015 00:29

 

ޢަބްދުލްޢަޒީޒު ޖަމާލު އަބޫބަކުރު

މަލަށް މާބުރުގެ ގޯނާ ފޯރަނީ . . . ދަޢުވަތުދެވޭތީއްޔޭ

          އަލަށް  ފޮޅިލާ  ހިނދުން  ފިޔަތައް  ދިމާއަށް  ހާމަވާތީއްޔޭ

 

ކޮކާތައް ޝައުޤުވެރިވާ ކުލަތަކުން ފިޔަތައް މުލަންމާކޮށް

          ޝިކާރައަކަށް  އެ މާ ރުހިގެން   ގަބޫލުވެ   ހުށަހެޅޭތީއްޔޭ

 

އަތުން ބިނދެވޭ ގޮތަށް މަގަތަށް އައިސް ފަރިކުލަތަކާއެކުގައި

          ފަތުން ފަރުދާވެގެން ނުމެ ތިބެ، މަތީން ފެނި ކަޝްފުވާތީއްޔޭ

 
ދުޢާ (ފުވައްމުލަކު ބަހުރުވައިން) Print E-mail
ކިޔުންތެރިން ދެކޭގޮތް: / 1
ދެރަވަރަށް ރަނގަޅު 
ބަހާއި އަދަބު - ވަޒަންބަހުރުވަ
ބުދަ, 22 އޭޕްރިލް 2015 00:00

ފަތުޙުﷲ ޞާލިޙު / ޏ. ފުވައްމުލައް
ރާގަ: ހިތާމައިގެ ކަނޑުގާ އޮޔާވައި ތެރޭގާ

އިލާހިއްޔަ ރައްބީ ފަރާތަހަ ވެޚާލިސް ކެރާނ މީ ދުޢާއެއު މަގެން ހެއު ލިބެންތޯ
        ބިލާހާވެ ހެއްލީން މަގެން ކަތިވެގެން އޭނ ފަސާދައިގެ މިބިމެން ސަލާމައް ވެވެންތޯ
                             އިލާހިއްޔަ ރައްބީ ފަރާތަހަވެ ޚާލިސް . . . . .
 
 
ފެލާވަޅޮ ރަސޫލާ ޙަޔާތިގެ މިސާލެން ހިދާޔަތިގެ ނޫރެން ޙަޔާއު އަލި ވެވެންތޯ
        ސަލާމައް ވެގެންވީ ސަރާސަރޮ މިދީނެއި އުސޫލެއި ވެ ޤާއިމް ނިމީގެން ގިއެންތޯ
                             އިލާހިއްޔަ ރައްބީ ފަރާތަހަވެ ޚާލިސް . . . . .
 
އަހަރެން ވަކި ކީއްވެ ހެއްޔެވެ؟ Print E-mail
ކިޔުންތެރިން ދެކޭގޮތް: / 1
ދެރަވަރަށް ރަނގަޅު 
ބަހާއި އަދަބު - އަދަބިއްޔާތު
އަންގާރަ, 21 އޭޕްރިލް 2015 00:25

ތަރުޖަމާ: އަޙްމަދް ސަމީރު ޢަލީ
Arthur Ashe  އަކީ މަޝްހޫރު ޓެނިސް ކުޅުންތެރިއެކެވެ. އެމެރިކާގައި ކުޅެވޭ، މުޅި ދުނިޔެއަށް ހުޅުވާލެވިފައިވާ ޓެނިސް މުބާރާތެއް ކާމިޔާބު ކުރި ފުރަތަމަ ކަޅު ނަސްލުގެ މީހާއެވެ. އަދި ހަމަ އެފަދައިން ލަންޑަނުގައި ކުޅެވޭ މަޝްހޫރު ވިމްބެލްޑަން ޓެނިސް މުބާރާތުގައި ފިރިހެނުންގެ ބައި ކާމިޔާބު ކުރި ފުރަތަމަ ކަޅު ނަސްލުގެ މީހާވެސް މެއެވެ. އަދިވެސް މި ދެ މުބާރާތް ކާމިޔާބު ކުރި ކަޅު ނަސްލުގެ އެހެން މީހަކު ނެތެވެ. ތިރީގައި އެވާ ލިޔުމަކީ، 1983 ގައި އާތަރ އޭޝަށް ކުރެވުނު ހިތުގެ އޮޕަރޭޝަނެއްގައި ލޭ އަޅަން ޖެހިގެން އެޅި ލޭގައި އެއިޑްސް ބަލި ޖައްސާ ޖަރާސީމު ހުރުމުން އެއިޑްސް ބަލި ޖެހި، އެ ބަލީގައި އާތަރ އޭޝް ނިޔާވީ 1993 ވަނަ އަހަރުގެ ފެބްރުއަރީ 6 ގައެވެ!ތިރީގައި އެވާ ލިޔުމަކީ، އެބަލީގައި އޮއްވައި ކުޑަ ކުއްޖަކު ފޮނުވި ސިޓީއަކަށް އާތަރ އޭޝް ދެއްވި ޖަވާބެވެ!  އެ ކުއްޖާގެ ސުވާލަކީ، " މާތް ﷲ އާތަރ އޭޝަށް އެފަދަ ސުންޕާ ބައްޔެއް ޖެއްސެވީ ކީއްވެ ހެއްޔެވެ؟ "
 
ބަރުދާސްތު (3) Print E-mail
ކިޔުންތެރިން ދެކޭގޮތް: / 1
ދެރަވަރަށް ރަނގަޅު 
ބަހާއި އަދަބު - ވާހަކަ
އަންގާރަ, 21 އޭޕްރިލް 2015 00:00

ފަތުޙުﷲ ޞާލިޙު، ޏ. ފުވައްމުލައް

(17 އޭޕްރިލްގެ ޢަދަދާއި ގުޅޭ)
"މަށަށް އެނގޭ މަ ގޭގައި ނުހުންނަ ގަޑީގައި ކަލޭގަންނަ ހުރިހާ ގަނޑެއް" ޝިފާން ކޮޓަރި ދޮރުހުލުވައިލިގޮތަށް ޒާރާއަށް ބަވަން ފަށައިގަތެވެ. ޒާރާ ހަމަ އަނގައިން ވެސް ނުބުނެ އިނީއެވެ. ވެގެން އުޅޭ ގޮތެއް ނޭނގިފައެވެ. އެހެން ނޫނަސް މި ފަދަ ރޭތަކަކީ އޭނާއަށް ބާވެފައިވާ ރޭތަކެވެ. "މިރޭ ކަލޭގެ ދުވަސް ދުއްވައިލާނަން. . . . ބޭބެވެސް މަރައިލާނަން"
 


ޞަފްޙާ 1 ■ ޖުމްލަ ޞަފްޙާގެ ޢަދަދު 365
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator

މި ވަގުތު އޮންލައިންގައި

 21 ކިޔުންތެރިން 

ބަސްފޮތުން

ހަންޑިކެކުރި ނ. (ބ) ދާގަނޑުކެކުރި.
ލިޔުންތައް ކިޔައިފައިވާ ޖުމްލަ ޢަދަދު : 6963926

ބުރަވާގޮތް

ދަރިވަރުންގެ ހިތުގައި ދިވެހި ބަހަށް ލޯބި އުފައްދަން ކުރާން އެންމެ މުހިއްމު ކަމަކީ؟
 

އެންމެފަހުގެ ޚިޔާލުތައް